Ncaj Ncees Kuj saib Mus Kev, Taug Kev nrog Vajtswv; Tsim Nyog; Tsis Ncaj Ncees; Vajtswv Lus Txib; Zoo, Kev Ua neeg ncaj, dawb huv, tsim txiaj, coj zoo; ua raws li Vajtswv tej lus txib; tsis ua txhaum. Tus Tswv yuav foom koob hmoov rau cov ncaj ncees, Pnk. 5:12. Tus Tswv ob lub qhov muag saib ntsoov cov neeg ncaj ncees, Pnk. 34:15, 17 (1 Pet. 3:12). Thaum cov neeg ncaj ncees los ua nom kav, tej pej xeem zoo siab kawg, Paj. 29:2 (Q&K 98:9–10). Lawv cov uas tshaib thiab nqhis txoj kev ncaj ncees tau koob hmoov, Mat. 5:6 (3 Nf. 12:6). Xub nrhiav Vajtswv lub nceeg vaj thiab nws txoj kev ncaj ncees, Mat. 6:33. Cov ncaj ncees tau txoj sia nyob mus ib txhis, Mat. 25:46. Ib tug neeg ncaj ncees txoj kev thov Vajtswv rau siab ntso muaj hwj chim heev, Yak. 5:16. Tus uas ncaj ncees yog tus uas Vajtswv nyiam, 1 Nf. 17:35. Nws tseem yuav tsom kwm cov neeg ncaj ncees; lawv tsis tas ntshai, 1 Nf. 22:17, 22. Dab Ntxwg Nyoog yuav tsis muaj hwj chim vim tus Tswv haiv neeg ncaj ncees, 1 Nf. 22:26. Yog hais tias tsis muaj txoj kev ncaj ncees ces yeej tsis muaj txoj kev zoo siab, 2 Nf. 2:13. Cov neeg ncaj ncees yuav tau txais Vajtswv lub nceeg vaj los ua lawv tug, 2 Nf. 9:18. Cov neeg ncaj ncees yeej tsis ntshai tej lus tseeb, 2 Nf. 9:40. Txhua tus neeg yuav tsum hloov rau kev ncaj ncees, Mxy. 27:25–26. Yuav muab cov neeg ncaj ncees lub npe sau cia hauv phau ntawv txheeb txoj sia, Amas 5:58. Nej tau nrhiav kev zoo siab los ntawm kev ua phem, qhov uas twb tsis raws li txoj kev ncaj ncees, Hlm. 13:38. Zaj nkauj ntawm cov ncaj ncees yog ib zaj lus thov Vajtswv rau kuv, Q&K 25:12. Cia li sawv, muab kev ncaj ncees los ua daim thaiv hauv siab, Q&K 27:16 (Efe. 6:14). Cov neeg ncaj ncees txoj kev tuag yuav qab zib rau lawv, Q&K 42:46. Cov neeg ncaj ncees yuav sib sau tawm hauv txhua haiv neeg los, Q&K 45:71. Tib neeg yuav tsum ua kom muaj kev ncaj ncees ntau los ntawm lawv tus kheej txoj kev ywj siab xaiv, Q&K 58:27. Cov neeg ncaj ncees yuav txais txoj kev kaj siab nyob hauv lub neej no thiab txoj sia nyob mus ib txhis nyob hauv lub neej uas yuav los, Q&K 59:23. Thaum txog txoj Kev Los Zaum Ob, yuav muaj ib txoj kev sib faib tag nrho ntawm cov neeg ncaj ncees thiab cov neeg phem, Q&K 63:54. Yeej tuav tsis tau tej hwj chim saum ceeb tsheej tsuas yog los ntawm tej ntsiab cai ncaj ncees xwb, Q&K 121:36. Nyob ntawm cov neeg ncaj ncees mas muaj kev kaj siab lug, Q&K 138:22. Cov neeg Xi-oos nyob raws li kev ncaj ncees, Mauxes 7:18. Anplaham yog ib tug uas coj ncaj ncees, Anpl. 1:2.