Manaxes
Nyob hauv Phau Qub, tus tub hlob ntawm Axenas thiab Yauxej tus uas raug muag mus rau Iyiv (Chk. 41:50–51). Nws thiab nws tus kwv Efala-is yog Yakhauj (Ixayees) ob tug xeeb ntxwv tiam sis Yakhauj yuav nkawd los ua nws tug thiab foom koob hmoov rau nkawd zoo li nkawd yog nws ob tug tub tiag (Chk. 48:1–20).
Xeem Manaxes
Tau suav Manaxes cov xeeb leej xeeb ntxwv nrog tej xeem neeg Ixayees (Tnp. 1:34–35; Yas. 13:29–31). Mauxes txoj kev foom koob hmoov rau xeem Yauxej, uas kuj tau foom rau Efala-is thiab Manaxes, los muab sau rau hauv 2 Kev Cai 33:13–17. Thaj av uas tau teem tseg rau lawv ib feem nyob ntawm Yauladees sab hnub poob thiab nyob ntawm Efala-is thaj av ib sab. Lawv kuj muaj tej teb chaw nyob Yauladees sab hnub tuaj nyob hauv tej liaj ia teb chaws ntawm Npasas thiab Nkile-as. Hauv hnub nyoog kawg, xeem neeg Manaxes yuav pab xeem neeg Efala-is muab Ixayees uas raug tawg khiav ri niab los sau los ua ke (2 Kev. 33:13–17). Phau Ntawv Maumoos tus yaj saub Lihais yog Manaxes ib tug xeeb ntxwv (Amas 10:3).