Dag Ntxias Kuj saib Dag Nyob hauv cov vaj lug kub, kev dag ntxias yog thaum ib tug neeg ua rau lwm tus neeg ntseeg ib yam uas tsis muaj tseeb. Tus uas tsis tau hais lus dag yuav nce mus txog tus Tswv lub roob, Pnk. 24:3–4. Foom koob hmoov rau tus neeg uas lub siab yeej tsis muaj kev dag ntxias li, Pnk. 32:2 (Pnk. 34:13; 1 Pet. 2:1). Cawm kom kuv dim ntawm tej kev dag ntxias, Pnk. 43:1. Kev txom nyem yuav raug cov uas hu qhov phem ua qhov zoo, thiab qhov zoo ua qhov phem, Yay. 5:20 (2 Nf. 15:20). Nathana-ees yog ib tug neeg Ixayees uas yeej tsis muaj kev dag ntxias li, Yhs. 1:47 (Q&K 41:9–11). Yus tsis txhob rov dag yus tus kheej, 1 Klt. 3:18. Tsis txhob pub cov neeg uas hais tej lus tsis muaj hauv paus hauv ntsis ntxias tau nej, Efe. 5:6. Cov neeg uas ua phem mus dag ntxias lwm tus thiab lwm tus dag ntxias lawv thiab, 2 Tim. 3:13. Dab Ntxwg Nyoog, tus uas dag ntxias neeg ntiaj teb raug muab ntiab tawm, Tsm. 12:9. Tau muab Dab Ntxwg Nyoog khi cia xwv kom nws yuav los ntxias tsis tau txhua haiv neeg ntxiv li lawm, Tsm. 20:1–3. Dag ntxias tsis tau tus Tswv, 2 Nf. 9:41. Yog nej yuav coj raws li Leej Tub, tsis txhob lam dag rau Vajtswv, nej yuav tau txais tus Vaj Ntsuj Plig Dawb Huv, 2 Nf. 31:13. Seles lees hais tias nws raug ntxias los ntawm tus dab phem lub hwj chim, Ykh. 7:18. Vaj ntxwv Nau-as cov neeg tau raug ntxias los ntawm tej lus dag, Mxy. 11:7. Cov uas muaj tswv yim tau cia tus Vaj Ntsuj Plig Dawb Huv ua lawv tus coj kev, thiab tsis tau raug ntxias, Q&K 45:57. Kev txom nyem raug lawv cov uas yog neeg dag ntxias, Q&K 50:6. Kev txawj ntse uas dawb huv txhawb tus ntsuj plig tsis muaj kev ntxias, Q&K 121:42. Nws hloov los ua Dab Ntxwg Nyoog, leej txiv ntawm txhua txoj kev dag, kom dag ntxias thiab ua rau neeg dig muag, Mauxes 4:4.