Nrhiav Caj Ceg

Kev ceev xwm txheej uas qhia tias ib tsev neeg tus caj ceg poj koob yawm txwv zoo li cas. Vim qee lub luag hauj lwm hauv lub pov thawj hwj thiab qee txoj koob hmoov tsuas yog muab rau tej tsev neeg xwb, daim ntawv ceev xwm txheej txog caj ceg thiab poj koob yawm txwv tseem ceeb heev nyob hauv cov vaj lug kub (Chk. 5; 10; 25; 46; 1 Xvn. 1–9; Exa. 2:61–62; Neh. 7:63–64; Mat. 1:1–17; Luk. 3:23–38; 1 Nf. 3:1–4; 5:14–19; Yaloos 1:1–2). Nyob hauv lub Koom Txoos uas txum tim rov qab los, niaj hnub nim no cov mej zeej ntawm lub Koom Txoos tseem niaj hnub nrhiav lawv caj ceg, ib lub hom phiaj yog kom lawv paub lawv cov poj koob yawm txwv es thiaj ua tau tej kab ke cawm seej rau lawv. Tej kab ke no muaj nuj nqis rau cov uas tuag lawm uas txais Yexus Khetos txoj moo zoo nyob hauv lub ntuj ntsuj plig (Q&K 127–128).