Teev Npe

Phau thib plaub nyob hauv Phau Qub. Mauxes sau phau Teev Npe no. Phau Teev Npe hais zaj dab neeg txog Ixayees txoj kev tawm ntawm lub Roob Xinais mus rau Mau-am tej tiaj nrag uas yog nyob ntawm Kana-as ciaj ciam. Ib zaj lus tseem ceeb uas phau no qhia ces yog hais tias yuav kom Vajtswv cov neeg vam meej, lawv yuav tsum taug kev mus los ntawm kev ntseeg, thiab tso siab rau Nws cov lus cog tseg. Phau no hais txog qhov uas Vajtswv rau txim rau Ixayees vim lawv tsis mloog lus thiab qhia txog cov Neeg Ixayees tej kev cai. Phau no lub npe yog los ntawm qhov uas lawv suav muaj pes tsawg tus neeg. (Tnp. 1–2; 26).

Tshooj 1–10 qhia txog cov Neeg Ixayees txoj kev npaj khiav ntawm Xinais mus. Tshooj 11–14 piav txog lawv txoj kev taug kev mus, kev xa neeg nyiag saib mus rau hauv Kana-as, thiab qhov uas Ixayees tsis kam nkag mus hauv thaj av uas cog lus cia. Tshooj 15–19 hais txog tej kev cai thiab tej zaj keeb kwm. Tshooj 20–36 yog zaj keeb kwm txog cov neeg xyoo kawg nyob rau hauv roob moj sab qhua.