Ib tug neeg uas Vajtswv tau hu thiab sawv Vajtswv cev hais lus. Vim nws yog Vajtswv ib tug tub xa xov, tus yaj saub yog tus txais cov lus txib, txais tej uas yuav muaj los yav tom ntej, thiab txais tej kev tshwm sim los ntawm Vajtswv. Qhov uas nws ris yog kev qhia kom noob neej paub txog Vajtswv lub siab nyiam thiab Nws tus cwj pwm tseeb thiab qhia txog lub ntsiab ntawm Vajtswv tej dej num uas Nws ua rau noob neej. Tus yaj saub cem rhuav kev txhaum thiab qhia tias yuav raug dab tsi thaum ua txhaum. Nws yog ib tug xib hwb ncaj ncees. Tej lub sij hawm, cov yaj saub txais kev tshoov siab kom lawv qhia txog yav tom ntej, lawv thiaj li pab tau noob neej. Tiam sis, nws txoj kev lav ris uas tseem ceeb tshaj yog ua tim khawv txog Khetos. Tus Thawj Tswj Hwm ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg yog Vajtswv tus yaj saub hauv ntiaj teb hnub no. Cov mej zeej tsa tes pom zoo rau Thawj Pawg Thawj Tswj Hwm thiab Kaum Ob tug Thwj Tim los ua cov yaj saub, cov pom tau, thiab cov neeg txais kev tshwm sim.