Tsev Teev Ntuj

Ib qhov chaw sib ntsib uas siv kom teev ntuj. Nyob hauv Phau Tshiab lub caij nyoog, tej rooj tog yeej tsis ntau, tsuas muaj ib lub phij xab uas ntim cov kev cai thiab lwm yam cov ntawv sau tej lus dawb ceev, ib lub rooj rau kev nyeem ntawv, thiab rooj zaum rau cov uas tuaj teev tiam.

Ib pawg txwj laug hauv zej zog yog cov tswj hwm lub tsev teev ntuj. Lawv txiav txim siab hais tias seb yuav pub leej twg nkag mus hauv thiab yuav txwv leej twg (Yhs. 9:22; 12:42). Tus thawj coj tseem ceeb tshaj plaws yog tus thawj coj ntawm lub tsev teev ntuj (Mak. 5:22; Luk. 13:14). Feem ntau nws yog ib tug kws sau kev cai, saib xyuas lub tsev, thiab tswj hwm kev teev ntuj. Muaj ib tug pab cuam ua tej hauj lwm teev ntawv (Luk. 4:20).

Yeej muaj ib lub tsev teev ntuj nyob hauv txhua lub zos uas muaj Neeg Yudais nyob, nyob hauv Filitees thiab lwm qhov chaw. Qhov no tau pab kom nthuav tawm Yexus Khetos txoj moo zoo vim cov tub txib ntawm lub Koom Txoos muaj cai hais lus nyob hauv tej tsev teev ntuj (Teh. 13:5, 14; 14:1; 17:1, 10; 18:4). Txoj kev ua li no los cov tub txib nyob hauv Phau Ntawv Maumoos ua (Amas 16:13; 21:4–5; 32:1) thiab cov tub txib ntawm lub caij nyoog tso txoj cai no ua thiab (Q&K 66:7; 68:1).