Phau Qub

Cov yaj saub thaum ub tej lus sau uas yog ua raws li tus Vaj Ntsuj Plig Dawb Huv qhia thiab ua tim khawv txog Khetos thiab Nws txoj hauj lwm qhuab qhia thaum yav tom ntej. Phau no kuj muaj Anplaham thiab nws tej xeeb leej xeeb ntxwv tej xwm txheej keeb kwm, pib ntawm Anplaham, thiab kev khi lus, los sis lus tim khawv, uas tus Tswv tau ua rau Anplaham thiab nws cov tub ki.

Mauxes yog tus uas sau thawj tsib phau ntawv nyob hauv Phau Qub. Tej phau no yog Chiv Keeb, Khiav Dim, Levis Kev Cai, Teev Npe, thiab 2 Kev Cai. Chiv Keeb hais txog chiv keeb ntawm lub ntiaj teb, tib neeg, tej yam lus, tej haiv neeg, thiab chiv keeb ntawm tsev neeg Ixayees.

Tej phau keeb kwm hais txog tej xwm txheej ntawm Ixayees. Tej phau no yog Yausuas, Cov Thawj Tswj, Luv, 1 thiab 2 Xamuyees, 1 thiab 2 Vaj Ntxwv, 1 thiab 2 Xwm Txheej Vaj Ntxwv, Exalas, Nehemis, thiab Exethaws.

Tej phau paj lug hais txog tej tswv yim thiab cov ntawv uas cov yaj saub sau. Tej phau no yog Yauj, Phau Ntawv Nkauj, Paj Lug, Tej Lus Qhia, Xalumoos tej Nkauj, thiab Nkauj Quaj Ntsuag.

Cov yaj saub ceeb toom Ixayees txog lawv tej kev txhaum thiab ua tim khawv txog cov koob hmoov uas los ntawm kev mloog lus. Lawv qhia tej uas yuav muaj los yav tom ntej txog Khetos txoj kev los, tus uas yuav theej txhoj rau cov uas hloov siab lees txim rau lawv tej kev txhaum, txais cov kab ke, thiab ua neej raws li txoj moo zoo. Tej phau ntawm cov yaj saub yog Yaxayas, Yelemis, Exekees, Daniyees, Hauxeyas, Yau-ees, Amaus, Aunpadiyas, Yaunas, Mikhas, Nahus, Hanpakus, Xefaniyas, Hakais, Xakhaliyas, Malakis.

Tej phau hauv Phau Qub feem ntau yog muab sau ua lus Henplais. Ob peb yam tau siv lus Alame-us sau, ib yam lus uas muaj ntsis zoo li lus Henplais.