Vajtswv tus Me Nyuam Yaj Kuj saib Kev Cai Hla Dhau; Theej Txhoj; Yexus Khetos Tus Cawm Seej ib lub npe uas hais txog qhov uas tau muab Yexus txi theej peb. Lawv coj nws mus ib yam li tus me nyuam yaj uas luag cab mus tua, Yay. 53:7 (Mxy. 14:7). Saib Vajtswv tus Me Nyuam Yaj, uas ris neeg ntiaj teb lub txim mus, Yhs. 1:29 (Amas 7:14). Khetos cov ntshav uas muaj nqis heev txhiv nej dim, zoo li tus me nyuam yaj uas tsis muaj ib qho phem, 1 Pet. 1:18–20. Tus Me Nyuam Yaj uas neeg muab tua lawm yeej tsim nyog, Tsm. 5:12. Peb kov yeej Dab Ntxwg Nyoog los ntawm tus Me Nyuam Yaj cov ntshav, Tsm. 12:11. Tus Me Nyuam Yaj cov ntshav ua rau cov no dawb paug, vim yog lawv txoj kev ntseeg nws, 1 Nf. 12:11. Vajtswv tus Me Nyuam Yaj yog Leej Txiv tus uas Nyob Mus Ib Txhis Leej Tub, thiab nws yog neeg ntiaj teb tus Cawm Seej, 1 Nf. 13:40 (1 Nf. 11:21). Cia li sib sib zog thov rau Leej Txiv los ntawm Yexus lub npe, xwv kom tej zaum yuav muab nej ntxuav los ntawm tus Me Nyuam Yaj cov ntshav, Mm. 9:6 (Tsm. 7:14; Amas 34:36). Neeg Leej Tub yog tus Me Nyuam Yaj uas raug muab tua li npaj puag thaum ntuj tsim teb raug los lawm, Mauxes 7:47.