Efala-is
Nyob hauv Phau Qub, yog Yauxej thiab Axenas tus tub thib ob (Chk. 41:50–52; 46:20). Tsis yog raws li txoj kab lis kev cai, Efala-is yog tus uas tau thawj txoj koob hmoov muaj cai ua tus hlob tsis muab rau Manaxes, uas yog tus tub hlob (Chk. 48:17–20). Efala-is yog leej txiv rau xeem neeg Efala-is.
Xeem Efala-is
Cov neeg xeem Efala-is yog cov uas tau txoj cai ua tus hlob nyob hauv Ixayees (1 Xvn. 5:1–2; Yel. 31:9). Nyob hauv hnub nyoog kawg lawv muaj cib fim thiab kev lav ris tuav lub pov thawj hwj, coj txoj moo zoo uas tau muab txum tim rov qab los mus rau lub ntiaj teb, thiab tsa ib tug chij rau haiv neeg Ixayees uas raug tawg khiav ri niab lawm (Yay. 11:12–13; 2 Nf. 21:12–13). Efala-is cov xeeb leej xeeb ntxwv yuav muab yeeb koob rau cov uas rov qab los ntawm tej teb chaws pem qaum teb hauv lub caij nyoog kawg (Q&K 133:26–34).
Efala-is tus pas los sis Yauxej
Ib phau ceev xwm txheej los ntawm xeem neeg Efala-is uas tus Tswv coj ntawm Yeluxalees mus rau Amelikas teb ze li 600 xyoo ua ntej Yexus yug los. Pawg neeg no phau ceev xwm txheej yog hu ua Efala-is tus pas los sis Yauxej tus pas, los sis Phau Ntawv Maumoos. Phau no nrog rau Yudas tus pas (phau Npaivnpaum) sib koom ua ke ua tim khawv txog tus Tswv Yexus Khetos, Nws txoj Kev Sawv Rov Los, thiab Nws txoj hauj lwm zoo nyob hauv ob ceg neeg ntawm tsev neeg Ixayees no.