Qhov uas lub cev ntsuj plig thiab lub cev nqaij daim tawv thiab pob txha rov qab los koom ua ke tom qab tuag lawm. Tom qab ib tug neeg sawv rov los, nws tus ntsuj plig thiab lub cev yeej yuav tsis sib ncaim, thiab tus neeg yuav tsis txawj tuag. Txhua tus neeg uas yug los hauv lub ntiaj teb yuav sawv rov los vim Yexus Khetos kov yeej kev tuag (1 Klt. 15:20–22).
Yexus Khetos yog thawj tug neeg uas sawv rov los hauv lub ntiaj teb no (Teh. 26:23; Klx. 1:18; Tsm. 1:5). Phau Tshiab muaj ntau qhov puav pheej tias Yexus sawv rov los nrog rau cev nqaij daim tawv; Nws lub ntxa twb tsis muaj dab tsi nyob hauv, Nws noj ntse thiab haus zib ntab, Nws lub cev muaj nqaij thiab pob txha, tib neeg kov tau Nws, thiab cov tim tswv hais tias Nws twb sawv rov los (Mak. 16:1–6; Luk. 24:1–12, 36–43; Yhs. 20:1–18). Kev tshwm sim hauv lub caij nyoog kawg qhia txog qhov uas Khetos thiab txhua tus tib neeg yuav sawv rov los tiag tiag (Amas 11:40–45; 40; 3 Nf. 11:1–17; Q&K 76; Mauxes 7:62).
Tsis yog txhua tus neeg yuav sawv rov los rau tib lub yeeb koob (1 Klt. 15:39–42; Q&K 76:89–98), thiab tsis yog txhua tus yuav sawv rov los rau tib lub sij hawm (1 Klt. 15:22–23; Amas 40:8; Q&K 76:64–65, 85; 88:96–102). Ntau tus Neeg Ntseeg twb sawv rov los tom qab Khetos txoj Kev Sawv Rov Los (Mat. 27:52). Cov neeg ncaj ncees yuav sawv rov los ua ntej cov neeg phem thiab yuav sawv los hauv Thawj txoj Kev Sawv Rov Los (1 The. 4:16); cov neeg txhaum uas tsis hloov siab lees txim yuav sawv rov los hauv kev sawv rov los zaum kawg (Tsm. 20:5–13; Q&K 76:85).