Lo lus ntuj ceeb tsheej no txhais tau ua ob yam hauv vaj lug kub. (1) Yog qhov chaw uas Vajtswv nyob thiab yog qhov chaw nyob rau cov Neeg Ntseeg thaum yav tom ntej (Chk. 28:12; Pnk. 11:4; Mat. 6:9). (2) Yog qhov chaw dav dav ncig lub ntiaj teb (Chk. 1:1, 17; Khd. 24:10). Ntuj ceeb tsheej yeej tsis yog yeeb tsheej, uas yog qhov chaw nyob ib ntus rau cov ntsuj plig uas rau siab ntseeg uas tau ua neej nyob thiab tau tuag hauv lub ntiaj teb no. Yexus tau mus xyuas yeeb tsheej tom qab Nws tuag saum tus ntoo khaub lig, tab sis hnub thib peb, Nws hais rau Maivliag tias Nws tseem tsis tau mus ntsib Leej Txiv (Luk. 23:39–44; Yhs. 20:17; Q&K 138:11–37).