Hauxeyas
Ib tug yaj saub hauv Phau Qub uas qhia tej yuav muaj los yav tom ntej hauv lub nceeg vaj Ixayees sab qaum teb thaum yuav kawg ntawm Yelaunpau-as thib Ob txoj kev kav. Nws ua neej nyob thaum lub caij uas teb chaws puas tsuaj thiab piam sij zuj zus, vim yog Ixayees txoj kev txhaum.
Hauxeyas phau ntawv
Phau ntawv no lub ntsiab ces yog Vajtswv txoj kev hlub rau Nws cov neeg. Tau muaj tag nrho Nws tej kev qhuab ntuas los twb vim yog Nws txoj kev hlub, thiab yuav txum tim Ixayees rov qab los, los twb vim yog Nws txoj kev hlub (Hau. 2:19; 14:4). Tab txawm li ntawd, Hauxeyas qhia txog Ixayees txoj kev dag ntxias thiab kev tsis ntseeg. Tiam sis Vajtswv tseem ntsia ntsoov rau Ixayees txoj kev txhiv dim zaum kawg (Hau. 11:12–14:9).