Pov Thawj Hlob

Ib lub luag hauj lwm ntawm lub pov thawj hwj. Cov vaj lug kub hais txog ob yam “pov thawj hlob”: (1) ib lub luag hauj lwm ntawm lub Pov Thawj Hwj Mekhixedes; thiab (2) raws li Mauxes txoj kev cai, tus thawj tswj hwm ntawm lub Pov Thawj Hwj Aloos.

Yam thib ib hais qhov uas Yexus Khetos yog tus Pov Thawj Hlob siab. Adas thiab txhua tus yawg suab kuj yog pov thawj hlob thiab. Niaj hnub no, muaj peb tug pov thawj hlob tswj uas sib koom ua Pawg Thawj Tswj Hwm ntawm lub Koom Txoos thiab tswj hwm cov uas tuav lub pov thawj hwj thiab lub Koom Txoos cov mej zeej. Niaj hnub no tau tsa lwm cov txiv neej tsim nyog ua pov thawj hlob raws li yuav tsum muaj thoob plaws hauv lub Koom Txoos. Cov npisov hu tau cov pov thawj hlob, muab lawv tsa, thiab tsa tau lawv los ua npisov (Q&K 68:19; 107:69–71).

Hais txog yam ob, raws li Mauxes txoj kev cai, tus thawj tswj hwm ntawm lub Pov Thawj Hwj Aloos hu ua tus pov thawj hlob. Lub luag hauj lwm no yog muab cev nqis raws keeb kwm thiab los ntawm thawj tug tub yug hauv Aloos tsev neeg, Aloos tus kheej yog thawj tug pov thawj hlob ntawm tus txheej txheem Aloos (Khd. 28–29; Lek. 8; Q&K 84:18).