Amaus
Ib tug yaj saub hauv Phau Qub uas qhia txog tej uas yuav muaj los yav tom ntej txij thaum xyoo 792 mus txog 740 ua ntej Yexus yug los nyob rau lub sij hawm uas Uxiyas, Yudas tus vaj ntxwv, thiab Yelaunpau-as, Ixayees tus vaj ntxwv, kav.
Amaus phau ntawv
Ib phau nyob hauv Phau Qub. Amaus tej zaj uas qhia txog tej uas yuav muaj los yav tom ntej feem ntau ceeb toom Ixayees thiab haiv neeg nyob ze kom lawv rov qab los coj ncaj ncees.
Tshooj 1–5 hais kom Ixayees thiab tej haiv neeg nyob ze kom hloov siab lees txim. Tshooj 3 piav hais tias tus Tswv muab tej uas neeg tsis paub txog rau cov yaj saub thiab vim Ixayees ua txhaum, ib tug yeeb ncuab yuav ua rau Ixayees puas tsuaj. Tshooj 6–8 qhia tej uas yuav muaj los yav tom ntej hais tias Ixayees mam li poob ntau xyoo ua ntej cov neeg Axilias los txeeb. Tshooj 9 qhia tej uas yuav muaj los yav tom ntej hais tias yuav muab Ixayees txum tim rov qab los rau nws thaj av.