Neeg uas Muab Plhis Tib neeg uas tus Tswv muab hloov kom lawv yuav tsis raug mob los sis raug tuag mus txog thaum lawv sawv rov los ua neeg tsis txawj tuag. Enauj tau mus kev nrog Vajtswv; thiab nws ploj lawm; vim Vajtswv coj nws mus, Chk. 5:24 (Hen. 11:5; Q&K 107:48–49). Txij thaum ntawd los tsis muaj leej twg paub Mauxes qhov ntxa nyob qhov twg, 2 Kev. 34:5–6 (Amas 45:19). Khaub zeeg cua txawm nqa hlo Eliyas mus rau saum ntuj, 2 Vnt. 2:11. Yog kuv cia nws nyob mus txog hnub uas kuv rov qab los yeej tsis ua li cas rau koj, Yhs. 21:22–23 (Q&K 7:1–3). Nej yeej yuav tsis saj kev tuag, 3 Nf. 28:7. Xwv kom lawv yuav tsis saj txoj kev tuag thiaj muaj ib txoj kev hloov ua rau lawv lub cev, 3 Nf. 28:38 (4 Nf. 1:14; Mm. 8:10–11). Yauhas tus Yexus Hlub yuav nyob mus txog thaum tus Tswv los, Q&K 7. Kuv tau coj Enauj lub Xi-oos mus rau ntawm kuv xub ntiag lawm, Q&K 38:4 (Mauxes 7:21, 31, 69). Enauj thiab nws cov kwv tij yog ib lub nroog tshwj tseg kom txog ib hnub uas ncaj ncees yuav los, Q&K 45:11–12. Eliyas raug coj mus saum ntuj ceeb tsheej tsis tau saj txoj kev tuag, Q&K 110:13. Tus Vaj Ntsuj Plig Dawb Huv los nyob hauv ntau tus neeg, thiab tau coj lawv mus rau hauv Xi-oos, Mauxes 7:27.