Zaj Lus Tshaj Tawm Raug Cai 2

Ib nqe lus qhuab qhia hais txog qhov uas leej twg muaj cai tuav Vajtswv lub pov thawj hwj, tam sim no tau muab luam tawm hauv tej phab ntawv kawg ntawm phau Lus Qhuab Qhia thiab Kev Khi Lus. Ntxov thaum lub Rau Hli Ntuj xyoo 1978, tus Tswv qhia rau Thawj Tswj Hwm Spencer W. Kimball kom muab lub pov thawj hwj rau txhua tus txiv neej ntawm lub Koom Txoos uas tsim nyog. Qhov no ua rau txhua tus txiv neej uas tsim nyog txais tau lub pov thawj hwj thiab txhua tus mej zeej uas tsim nyog txais tau cov koob hmoov ntawm lub tuam tsev, tsis hais lawv yog haiv neeg twg los sis muaj nqaij daim tawv zoo li cas. Thaum lub Cuaj Hlis Ntuj hnub tim 30, xyoo 1978, tau qhia zaj lus tshaj tawm no hauv lub tuam rooj sab laj ntawm lub Koom Txoos thiab txhua tus pom zoo.