Thawj tug txiv neej uas Vajtswv tsim tau los nyob hauv ntiaj teb.
Adas yog leej txiv thiab tus yawg suab rau txhua tus tib neeg hauv ntiaj teb. Nws txoj kev ua txhaum hauv lub Vaj Edees (Chk. 3; Q&K 29:40–42; Mauxes 4) ua rau nws “poob” thiab ua rau nws txawj tuag, yog ib qho uas yuav tsum muaj xwb kom tib neeg thiaj li loj hlob tau hauv lub ntiaj teb no (2 Nf. 2:14–29; Amas 12:21–26). Yog li ntawd yuav tsum hawm Adas thiab Evas twb yog vim nkawd es peb thiaj li muaj peev xwm loj hlob mus ib txhis. Adas yog tus Laus Hnub Laus Nyoog thiab kuj muaj lub npe hu ua Mikhayees (Dan. 7; Q&K 27:11; 107:53–54; 116; 138:38). Nws yog tus thawj tim tswv (Q&K 107:54) thiab nws yuav rov qab los rau hauv ntiaj teb dua los ua tib neeg tus yawg suab (Q&K 116).