Falixais

Nyob hauv Phau Tshiab, yog cov Neeg Yudais ib pab neeg uas teev ntuj muaj lub npe uas txhais hais tias sib ncaim los sis tsis nyob ua ke. Cov Falixais xav tias lawv yog neeg zoo vim lawv coj nruj raws nraim li Mauxes txoj kev cai thiab tsis kam muaj feem xyuam nrog Lwm Haiv Neeg. Lawv ntseeg txog lub neej tom qab txoj kev tuag, txoj Kev Sawv Rov Los, thiab ntseeg tias muaj tim tswv thiab ntsuj plig tiag. Lawv ntseeg tias tej kev cai uas hais los ntawm qhov ncauj thiab tej kab lis kev cai tseem ceeb ib yam nkaus li tej kev cai uas sau tseg. Lawv tej kev qhia muab kev teev ntuj tig los ua kev cai thiab tshawb kom tib neeg muab hlob ntawm sab ntsuj plig. Lawv ua rau coob tus neeg Yudais ua xyem xyav txog Khetos thiab Nws txoj moo zoo. Tus Tswv rhuav cov Falixais thiab lawv tej hauj lwm nyob hauv Mathais 23; Mak. 7:1–23; thiab Lukas 11:37–44.