Daniyees

Tus neeg tseem ceeb tshaj plaws hauv Phau Daniyees hauv Phau Qub, Vajtswv ib tug yaj saub thiab ib tug txiv neej uas rau siab ntseeg.

Yeej tsis paub dab tsi txog nws niam thiab txiv, tab sis mas zoo nkaus li nws yog noob nom noob tswv (Dan. 1:3). Nws raug coj mus ua qhev rau hauv teb chaws Npanpiloos, nyob ntawd nws tau lub npe hu ua Npeetesaxas (Dan. 1:6–7). Daniyees thiab peb tug tub qhe ntxiv tsis kam noj vaj ntxwv cov zaub mov vim yog lawv txoj kev teev ntuj (Dan. 1:8–16).

Nenpukajnexales thiab Dali-us nyiam Daniyees vim nws muaj hwj chim txhais tej kev npau suav (Dan. 2; 4; 6). Nws kuj txawj nyeem thiab txhais tej lus uas tau muab sau rau saum sab phab ntsa (Dan. 5). Nws cov yeeb ncuab tuav hauv tawm tsam nws, thiab nws raug muab pov rau hauv lub qhov uas kaw tsov ntxhuav, tiam sis tus Tswv tau cawm nws txoj sia (Dan. 6).