Levis Kev Cai

Ib phau nyob hauv Phau Qub uas qhia txog cov pov thawj tej dej num nyob hauv Ixayees. Nws hais ntau txog Vajtswv txoj kev dawb huv thiab txoj cai uas Nws cov neeg ua neej raws kom lawv hloov los ua neeg dawb huv. Phau no lub hom phiaj yog qhia tej ntsiab cai ncaj ncees thiab tej kev tseeb ntawm kev teev ntuj ntawm Mauxes txoj kev cai los ntawm cov kab ke. Mauxes yog tus sau phau Levis Kev Cai.

Tshooj 1–7 piav txog cov kab ke muab kev txi. Tshooj 8–10 piav txog txoj kab ke uas lawv ua kom muab cov pov thawj fij tseg. Tshooj 11 piav txog tej yam uas muaj cai noj thiab tsis muaj cai noj thiab dab tsi huv thiab tsis huv. Tshooj 12 hais txog cov poj niam tom qab lawv yug me nyuam. Tshooj 13–15 yog tej kev cai hais txog tej yam tsis huv thaum ua kab ke. Tshooj 16 yog txoj kab ke uas yuav tsum ua thaum Hnub Theej Txhoj. Tshooj 17–26 muaj tej kev cai uas hais txog tej yam yuav tsum ua thaum teev ntuj thiab nyob hauv lub sawm fem. Tshooj 27 piav hais tias tus Tswv txib Ixayees muab lawv tej qoob loo, pab yaj, thiab pab tsiaj fij tseg rau tus Tswv.