Thexalaunikes, Tsab Ntawv rau Neeg
Ob phau nyob hauv Phau Tshiab. Ua ntej phau no yog tej tsab ntawv uas Povlauj sau rau Neeg Thexalaunikes thaum nws nyob hauv Kauleethaus thawj zaug nws mus xyuas Yulauv thaum kwv yees xyoo 50 tom qab Yexus yug los. Tau sau txog nws txoj hauj lwm nyob hauv Thexalaunikes rau hauv phau Tes Hauj Lwm tshooj 17. Povlauj xav rov qab los rau Thexalaunikes tiam sis nws los tsis tau (1Â The. 2:18). Vim li ntawd nws xa Timautes mus ua kom cov neeg hloov siab los ntseeg muaj kev zoo siab thiab rov qab los qhia nws seb lawv nyob li cas. Povlauj sau thawj tsab ntawv vim nws xav hais ua tsaug thaum Timautes rov qab los.
Ib Thexalaunikes
Tshooj 1–2 muaj Povlauj cov lus txais tos thiab nws zaj lus thov Vajtswv pab Haiv Neeg Ntseeg; tshooj 3–5 muab lus qhuab qhia txog kev loj hlob ntawm sab ntsuj plig, kev hlub, kev coj dawb huv, kev rau siab, thiab Yexus Khetos txoj Kev Los Zaum Ob.
Ob Thexalaunikes
Tshooj 1 muaj ib zaj lus thov pab Haiv Neeg Ntseeg. Tshooj 2 hais txog txoj kev tso qhov tseeb tseg uas yuav muaj los. Tshooj 3 muaj Povlauj zaj lus thov Vajtswv kom txoj moo zoo kov yeej.