Yau-ees
Ib tug yaj saub nyob hauv teb chaws Yudas nyob hauv Phau Qub. Tsis paub zoo txog thaum twg nws ua neej—tej zaum nws nyob lub caij thaum Yau-ases txoj kev kav, ua ntej 850 xyoo ua ntej Yexus yug los, mus txog thaum pab xeem neeg Yudas rov qab los ntawm kev raug kev poob cev qhev hauv Npanpiloos.
Yau-ees phau ntawv
Phau ntawv hais txog ib qho uas Yau-ees tau hais txog uas yuav muaj los yav tom ntej tom qab teb chaws Yudas raug muaj ntuj qhuav loj heev thiab muaj kooj (Yau. 1:4–20). Yau-ees qhia rau cov neeg tias los ntawm kev hloov siab lees txim lawv yeej yuav rov qab txais tau Vajtswv tej koob hmoov dua (Yau. 2:12–14).
Tshooj 1 hu kom muaj ib lub rooj txoos ua kev cai nyob hauv tus Tswv lub tsev. Tshooj 2 qhia txog kev ua rog thiab kev puas ntsoog uas yuav muaj ua ntej lub Milenias. Tshooj 3 hais txog hnub nyoog kawg thiab hais meej tias txhua haiv neeg yuav ua rog tiam sis thaum kawg tus Tswv yuav nyob hauv Xi-oos.
Petus hais tej uas Yau-ees qhia tias yuav muaj los yav tom ntej txog tus Ntsuj Plig txoj kev los nplua mias rau tib neeg thaum hnub Peetekos (Yau. 2:28–32; Teh. 2:16–21). Tus tim tswv Maulaunais kuj hais tib co lus no rau Joseph Smith thiab (JS—K 1:41).