Txoj kev uas tib neeg hloov los ua neeg txawj tuag hauv lub ntiaj teb no. Thaum Adas thiab Evas noj cov txiv uas Vajtswv txwv tsis pub noj, ces nkawd hloov los ua neeg txawj tuag thiab txawj ua txhaum. Adas txawm hloov los ua “thawj tus uas muaj cev nqaij daim tawv” hauv lub ntiaj teb no. (Mauxes 3:7). Kev tshwm sim hauv lub caij nyoog kawg no qhia meej meej hais tias txoj Kev Poob no yog ib txoj koob hmoov thiab hais tias tsim nyog uas peb sawv daws hwm Adas thiab Evas ua thawj nkawm niam txiv rau tag nrho noob neej.
Yuav tsum muaj txoj Kev Poob kom tib neeg thiaj vam meej zuj zus mus. Vim Vajtswv paub hais tias yuav muaj txoj Kev Poob, nyob hauv lub neej ua ntej yug los, Nws tau npaj tseg hais tias yuav muaj ib tug Cawm Seej. Yexus Khetos tau nqis los hauv lub ntiaj teb no thaum lub caij nyoog nruab nrab kom theej txhoj rau Adas txoj Kev Poob thiab theej txhoj rau tib neeg txhua tus tej kev txhaum yog tias lawv yuav hloov siab lees txim.