Dab Ntxwg Nyoog. Tus dab phem yog ib tug yeeb ncuab ntawm kev ncaj ncees thiab ntawm cov uas xav ua raws li Vajtswv lub siab nyiam. Nws yog Vajtswv tus tub ntsuj plig tiag thiab muaj ib lub sij hawm dhau los nws yog ib tug tim tswv uas muaj txoj cai nyob ntawm Vajtswv lub xub ntiag (Yay. 14:12; 2 Nf. 2:17). Txawm li ntawd los, nws ntxeev siab hauv lub neej ua ntej yug los thiab hais kom ib feem peb ntawm Leej Txiv cov me nyuam ntsuj plig ntxeev siab nrog nws (Q&K 29:36; Mauxes 4:1–4; Anpl. 3:27–28). Lawv raug ntiab tawm ntawm ntuj ceeb tsheej, tsis pub lawv muaj cib fim txais lub cev thiab muaj ib lub neej hauv lub ntiaj teb, thiab lawv yuav raug txim ntev mus ib txhis li. Txij thaum lub sij hawm uas tus dab phem raug ntiab tawm ntawm ntuj ceeb tsheej mus, nws xav kom ntxias tag nrho cov txiv neej thiab cov poj niam tas mus li thiab coj lawv mus kom tsis ua Vajtswv txoj hauj lwm ua rau tib neeg txhua tus nyuaj siab zoo ib yam li nws (Tsm. 12:9; 2 Nf. 2:27; 9:8–9).
Tus dab phem lub koom txoos
Txhua lub koom haum phem hauv lub ntiaj teb uas ua rau txoj moo zoo uas dawb huv thiab zoo tag nrho hloov thiab tawm tsam Vajtswv tus Me Nyuam Yaj.