Ib txoj kev khi lus los yog kev pov thawj raug cai ntawm ib tug txiv neej thiab ib tug poj niam uas hais tias nkawd yog ib nkawm niam txiv. Vajtswv tau tsa kev sib yuav (Q&K 49:15).
Txoj kev khi lus sib yuav tshiab thiab kav ib txhis
Kev sib yuav raws li txoj kev cai ntawm txoj moo zoo thiab lub pov thawj hwj dawb huv yeej yog rau lub neej ntiaj teb no thiab nyob mus ib txhis. Cov txiv neej thiab poj niam uas sib yuav ua kev sib khi hauv lub tuam tsev yuav ua ib nkawm niam txiv nyob tas mus ib txhis.
Yuav tus uas ntseeg txawv
Kev sib yuav ntawm ib tug txiv neej thiab ib tug poj niam uas ntseeg kev teev ntuj sib txawv.
Kev yuav ntau tus poj niam
Qhov uas ib tug txiv neej yuav ob peb tug poj niam uas tseem ciaj sia. Raws li kev cai ib tug txiv neej tsuas pub muaj ib tug poj niam xwb, yog tias tus Tswv tsis muab kev tshwm sim kom txib ua txawv (Yakhauj 2:27–30). Los ntawm kev tshwm sim, txiv neej yuav ntau tus poj niam thaum lub caij nyoog Phau Qub thiab thaum lub caij nyoog thaum nyuam qhuav txum tim lub Koom Txoos rov qab los, los ntawm kev coj qhia ntawm tus yaj saub uas tuav cov yawm sij ntawm pov thawj hwj (Q&K 132:34–40, 45). Tsis ua li no ntxiv hauv lub Koom Txoos lawm (LTRC 1); niaj hnub no, kev muaj tshaj ib tug poj niam ua rau yus ua tsis tau mej zeej nyob hauv Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg.