Edees

Peb thawj khub niam txiv, Adas thiab Evas nkawd qhov chaw nyob (Chk. 2:8–3:24; 4:16; 2 Nf. 2:19–25; Mauxes 3–4; Anpl. 5), uas hu ua ib lub vaj, tim sab hnub tuaj hauv Edees. Adas thiab Evas raug ntiab tawm ntawm lub vaj Edees tom qab nkawd noj cov txiv uas txwv tsis pub noj thiab nkawd hloov los ua neeg txawj ploj txawj tuag (Mauxes 4:29). Ib txoj kev tshwm sim hauv lub caij nyoog kawg no qhia tias zaj dab neeg txog lub Vaj Edees hauv phau Npaivnpaum yeej muaj tseeb. Txoj kev tshwm sim no qhia ntxiv hais tias lub vaj ntawd yog nyob rau daim av uas niaj hnub nim no yog sab ntuj Amelikas Sab Qaum Teb.