Yakaunpaus, tus Tswv tus Kwv
Nyob hauv Phau Tshiab, tus Tswv ib tug kwv (Kal. 1:19) thiab Yauxej, Ximoos, thiab Yudas ib tug tij laug, thiab nws cov muam ib tug nus (Mat. 13:55–56; Mak. 6:3; Yudas 1:1). Nws kuj muaj lub npe hu ua Yakaunpaus tus Ncaj Ncees thiab muaj ib txoj hauj lwm tseem ceeb hauv lub Koom Txoos hauv Yeluxalees (Teh. 12:17; 15:13; 1 Klt. 15:7; Kal. 2:9–12). Tej zaum nws sau Yakaunpaus tsab ntawv.
Yakaunpaus tsab ntawv
Ib phau nyob hauv Phau Tshiab. Thaum xub thawj phau no yog ib tsab ntawv xa mus rau kaum ob xeem neeg Ixayees uas raug tawg khiav ri niab mus qhov txhia chaw thiab tej zaum tau sau los ntawm Yeluxalees. Tsab ntawv no muaj ib co lus uas qhia meej txog kev teev ntuj, uas muaj lo lus ntuas hauv tshooj 1 hais tias yog ib tug neeg tsis muaj tswv yim, nws yuav tsum thov Vajtswv kom pab nws (Yak. 1:5–6; JS—K 1:9–20). Tshooj 2 hais txog kev ntseeg thiab tej hauj lwm. Tshooj 3–4 hais txog txoj kev yuav tau tswj yus tus nplaig thiab qhuab ntuas Haiv Neeg Ntseeg kom lawv tsis txhob ib leeg hais lus phem txog ib leeg. Tshooj 5 yaum Haiv Neeg Ntseeg kom lawv muaj siab ntev thiab kom lawv hu cov txwj laug los muab ib txoj koob hmoov thaum lawv muaj mob; tshooj no kuj qhia txog tej koob hmoov ntawm kev pab luag tej hloov siab los ntseeg thiab.