Tej Lus Qhia

Ib phau ntawv hauv Phau Qub uas muaj tej lus qhia txog tej teeb meem loj tshaj plaws hauv lub neej no.

Tus uas sau phau no, tus neeg Txawj Ntse, feem ntau ntawm cov lus uas sau rau hauv phau no yog sau raws li ib tug uas tsis to taub txoj moo zoo txoj kev xav. Nws sau raws li neeg ntiaj teb txoj kev xav—xws li sau hais tias, cov uas “nyob hauv qab ntuj no” (Tlq. 1:9). Zoo li ntau yam hauv phau ntawv no hais txog tej uas tsis zoo thiab tej uas phem (Tlq. 9:5, 10). Tus Tswv tsis xav kom peb xav li no txog lub neej tiam sis tsuas yog raws li tus neeg Txawj Ntse xav tias cov neeg uas tsis paub txoj moo zoo xav li no txog lub neej hauv ntiaj teb. Qhov uas tshoov sab ntsuj plig zoo tshaj nyob hauv phau ntawv no yog nyob hauv tshooj 11 thiab 12, uas tus sau phau no qhia hais tias tib qho uas muaj nuj nqi kav mus ib txhis ces yog txoj kev ua raws li Vajtswv cov lus txib.