Plaub phau Txoj Moo Zoo

Plaub phau ceev xwm txheej los sis zaj lus tim khawv txog Yexus lub neej hauv ntiaj teb no thiab tej uas tau muaj ntsig txog Nws txoj hauj lwm qhuab qhia uas yog muaj nyob hauv thawj plaub phau ntawv ntawm Phau Tshiab. Mathais, Malakaus, Lukas, thiab Yauhas yog cov sau, plaub phau no yog tej lus tim khawv txog Khetos lub neej uas tau muab sau tseg. Muaj ntau yam hauv phau 3 Nifais ntawm Phau Ntawv Maumoos uas zoo sib xws li plaub phau Txoj Moo Zoo hauv Phau Tshiab no thiab.

Tej phau ntawv ntawm Phau Tshiab thaum ub yog muab sau ua lus Kilis. Lus Kilis lo lus rau txoj moo zoo txhais tau tias “xov xwm zoo.” Xov xwm zoo yog hais tias Yexus Khetos tau theej peb lub txhoj lawm uas yuav txhiv txhua tus tib neeg dim txoj kev tuag thiab yuav muab nqi zog rau txhua tus raws li tej yam uas lawv rau siab ua (Yhs. 3:16; Loos 5:10–11; 2 Nf. 9:26; Amas 34:9; Q&K 76:69).

Kuj saib Kev Sib Haum ntawm Plaub phau Txoj Moo Zoo nyob hauv cov ntawv ntxiv tom kawg.