Tsaus Ntuj Nti ntawm Sab Ntsuj Plig Kuj saib Phem Kev phem los sis kev tsis paub txog tej yam ntawm sab ntsuj plig. Kev txom nyem yuav raug cov uas hu txoj kev tsaus ntuj ua txoj kev kaj, Yay. 5:20 (2 Nf. 15:20). Kev tsaus ntuj roos tag nrho lub ntiaj teb, thiab kev tsaus ntuj dub nciab npog txhua haiv neeg, Yay. 60:2. Yexus yuav ci mus rau txhua tus uas nyob hauv qhov tsaus ntuj, Luk. 1:79. Txoj kev kaj ci tuaj rau hauv qhov tsaus ntuj, thiab qhov tsaus ntuj tsis to taub txoj kev kaj, Yhs. 1:5 (Q&K 45:7). Muab tej yam hauj lwm ntawm kev tsaus ntuj tso pov tseg thiab muab tej cuab yeej ntawm qhov kaj coj los hnav, Loos 13:12. Cov neeg uas nyob hauv qhov tsaus ntuj nyiam ua tej kev phem kev qias, nej tsis txhob mus nrog lawv ua, Efe. 5:8–11. Yog vim nej tsis nug, Vajtswv tsis coj nej los rau hauv qhov kaj tiam sis nej yeej yuav piam sij nyob hauv qhov tsaus ntuj, 2 Nf. 32:4. Dab Ntxwg Nyoog nthuav tawm tej hauj lwm tsaus ntuj, Hlm. 6:28–31. Tej hwj chim ntawm kev tsaus ntuj twb ri niab nyob hauv lub ntiaj teb, Q&K 38:8, 11–12. Tag nrho cov neeg ntiaj teb nyooj nyob hauv txoj kev tsaus ntuj thiab kev txhaum, Q&K 84:49–54. Yog hais tias nej lub qhov muag tsuas ntsia ntsoov rau kuv lub yeeb koob, yuav tsis muaj qhov tsaus ntuj nyob hauv nej, Q&K 88:67. Tej hauj lwm ntawm txoj kev tsaus ntuj pib ri mus rau tib neeg cov tub, Mauxes 5:55.