Tuam Tsev Kirtland, Ohio (Amelikas)

Thawj lub tuam tsev uas lub Koom Txoos ua thaum lub caij nyoog kawg no. Haiv Neeg Ntseeg ua lub tuam tsev no nyob hauv Kirtland, raws li tus Tswv txib lawv ua (Q&K 94:3–9). Ib lub hom phiaj yog ua kom muaj ib qho chaw rau cov mej zeej ntawm lub Koom Txoos uas tsim nyog txais tau lub hwj chim, txoj cai thiab tswv yim ntawm sab ntsuj plig (Q&K 109–110). Tau muab lub tuam tsev no fij tseg thaum lub Peb Hlis Ntuj hnub tim 27, xyoo 1836; tus Yaj Saub Joseph Smith txais kev tshwm sim txog zaj lus thov Vajtswv muab fij tseg (Q&K 109). Tus Tswv muab ob peb zaj lus tshwm sim tseem ceeb thiab muab lub pov thawj hwj cov yawm sij txum tim rov qab los nyob hauv lub tuam tsev no (Q&K 110; 137). Lub tuam tsev no tsis muaj cov kab ke tag nrho uas niaj hnub no muaj nyob hauv cov tuam tsev.