Yakaunpaus, Xenpedais tus Tub

Ib tug ntawm Kaum Ob tug Thwj Tim uas Yexus xaiv thaum Nws ua Nws txoj hauj lwm qhuab qhia hauv lub ntiaj teb. Nws yog Yauhas tus tij laug. Nws yog ib tug ntawm peb tug Thwj Tim xaiv los nyob nrog Yexus thaum muaj tej sij hawm tshwj xeeb: thaum Yailus tus ntxhais sawv rov los (Mak. 5:37), thaum txoj Kev Hloov Hlo (Mat. 17:1; Mak. 9:2; Luk. 9:28), thiab nyob ntawm Khexemanes (Mat. 26:37; Mak. 14:33). Nws muab lub Pov Thawj Hwj Mekhixedes txum tim rov qab los rau lub ntiaj teb, nrog Petus thiab Yauhas, thaum lawv tsa Joseph Smith thiab Oliver Cowdery (Q&K 27:12; 128:20; JS—K 1:72).