Kab Ke

Tej kev teev thiab kab ke dawb ceev. Tej kab ke yog tej yam yus ua uas muaj lub ntsiab ntawm sab ntsuj plig. Tej kab ke kuj txhais hais tias yog Vajtswv tej kev cai thiab.

Cov kab ke hauv lub Koom Txoos yog kev foom koob hmoov rau neeg mob (Yak. 5:14–15), foom koob hmoov rau lub cim nco txog(Q&K 20:77, 79), txoj kev cai raus dej (Mat. 3:16; Q&K 20:72–74), foom koob hmoov rau me nyuam (Q&K 20:70), muab tus Vaj Ntsuj Plig Dawb Huv (Q&K 20:68; 33:15), muab lub pov thawj hwj (Q&K 84:6–16; 107:41–52), lub tuam tsev tej kab ke (Q&K 124:39), thiab kev sib yuav los ntawm txoj kev khi lus tshiab thiab kav ib txhis (Q&K 132:19–20).

Txoj kab ke ib tug neeg ua rau lwm tus

Ib txoj kab ke teev ntuj uas ib tug neeg ciaj ua sawv cev rau ib tug neeg uas tau tuag lawm. Tej kab ke no yeej pab tsis tau tsuas yog thaum cov uas yus sawv cev ua kab ke rau txais yuav tej kab ke ntawd, ua raws li tej kev khi lus uas muaj nrog tej kab ke, thiab tus Ntsuj Plig Dawb Huv ntawm Kev Cog Lus muab tus ntawd khi tseg cia xwb. Tau ua tej kab ke zoo li no niaj hnub no hauv tej tuam tsev.