Qhov txhij txhua ntawm Yexus Khetos txoj moo zoo (Q&K 66:2). Yog ib txoj kev khi lus tshiab txhua zaus thaum Vajtswv muab kev khi lus no ua tshwm sim rov qab los tom qab tib neeg tso qhov tseeb tseg. Yog ib txoj kev khi lus uas kav ib txhis vim yog Vajtswv txoj kev khi lus uas muaj hauv txhua lub caij nyoog tso txoj cai ntawm txoj moo zoo yog tias muaj neeg kam txais txoj kev khi lus no. Yexus Khetos muab txoj kev khi lus tshiab thiab kav ib txhis ua tshwm sim rov qab los rau tib neeg hauv lub ntiaj teb los ntawm tus Yaj Saub Joseph Smith. Txoj kev khi lus no muaj tej kab ke dawb ceev uas cov muaj txoj cai ntawm lub pov thawj hwj ua—xws li kev cai raus dej thiab kev sib yuav hauv lub tuam tsev—uas ua rau tib neeg txais tau kev cawm seej, kev tsis txawj tuag, thiab txoj sia nyob mus ib txhis. Thaum tib neeg txais txoj moo zoo thiab cog lus tias lawv yuav ua raws li Vajtswv cov lus txib, Vajtswv khi lus hais tias Nws yuav muab cov koob hmoov ntawm Nws txoj kev khi lus tshiab thiab kav ib txhis rau lawv.