Qhov uas Vajtswv thiab tib neeg sib cog lus ib tug rau ib tug, tiam sis hais txog kev sib cog lus no ob tog no tsis sib npaug. Vajtswv qhia tias yuav tsum ua li cas thiaj ua raws li kev khi lus, thiab tib neeg pom zoo ua raws li Vajtswv hais kom lawv ua. Ces Vajtswv cog lus tias Nws yuav muab tej koob hmoov rau tib neeg vim lawv mloog lus.
Yus txais tej ntsiab cai thiab kab ke los ntawm kev khi lus. Cov mej zeej hauv lub Koom Txoos uas ua tej kev khi lus li no cog lus tias lawv yuav ua raws li lawv tej kev khi lus. Piv txwv hais tias, cov mej zeej khi lus nrog tus Tswv thaum ua kev cai raus dej thiab rov qab khi lus dua los ntawm qhov uas lawv txais lub cim nco txog. Lawv ua kev khi lus ntxiv hauv lub tuam tsev. Tus Tswv cov neeg yog ib co neeg khi lus thiab lawv tau koob hmoov ntau heev thaum lawv ua raws li tej yam uas lawv khi lus nrog tus Tswv.