Mathais
Yexus Khetos ib tug Thwj Tim thiab tus uas sau thawj phau ntawv nyob hauv Phau Tshiab. Mathais, ib tug neeg Yudais uas yog ib tug neeg sau se rau cov Neeg Loos nyob ntawm Kapena-us, uas nyaj yog ib tug ua hauj lwm rau Helauj Atipas. Ua ntej nws hloov siab los ntseeg, lawv hu nws ua Levis, Alafais tus tub (Mak. 2:14). Tsis ntev tom qab Yexus hu nws los ua ib tug thwj tim, nws ua ib rooj mov uas tus Tswv tau los noj (Mat. 9:9–13; Mak. 2:14–17; Luk. 5:27–32). Nyaj Mathais tau paub ntau nqe vaj lug kub los ntawm Phau Qub thiab tau pom tej yam uas muaj raws li tej uas tau qhia tias yuav muaj los yav tom ntej nyob hauv tus Tswv lub neej. Hais txog tus Thwj Tim lub neej tom qab ntawd los tsis paub ntau yam. Muaj dab neeg qhia tias lwm tus muab nws tua vim nws txoj kev ntseeg.
Mathais txoj Moo Zoo
Thawj phau ntawv nyob hauv Phau Tshiab. Nyaj thaum xub thawj tau sau Mathais txoj Moo Zoo rau cov Neeg Yudais nyob hauv Filitees siv. Muaj ntau nqe lus los ntawm Phau Qub. Mathais lub hom phiaj tseem ceeb tshaj plaws yog qhia tias Yexus yog tus Mexiyas uas cov yaj saub hauv Phau Qub hais txog. Nws kuj qhia ntau tias Yexus yog tib neeg tus Vaj Ntxwv thiab tus Txiav Txim.
Yog xav kawm txog tej yam uas muaj los nyob hauv tus Cawm Seej lub neej uas piav txog nyob hauv Mathais txoj Moo Zoo, saib Kev Sib Haum ntawm Plaub phau Txoj Moo Zoo nyob hauv cov ntawv ntxiv tom kawg.