Hu los sis muab txoj cai los yog lub luag hauj lwm. Xwv kom siv tau txoj cai hauv tus Tswv lub Koom Txoos, Vajtswv yuav tsum hu ib tug neeg, los ntawm kev qhia tej uas yuav muaj los yav tom ntej, thiab los ntawm kev tso tes rau saum taub hau los ntawm cov uas muaj cai ua li ntawd (TNKN 1:5). Txawm tias ib tug neeg txais tau txoj cai los ntawm kev tsa, nws siv txoj cai ntawd raws li cov uas tuav cov yawm sij rau txoj cai ntawd qhia nws. Tsuas yog cov uas tswj hwm tej pawg pov thawj hwj txais tau cov yawm sij thaum muab lawv tsa xwb. Yog muab neeg tsa ua tej hauj lwm uas tsis yog tus thawj tswj hwm ntawm tej pawg pov thawj hwj, ces lawv txais tau ib zaj foom koob hmoov pov thawj hwj, tiam sis tsis muab cov yawm sij nrog txoj kev foom koob hmoov ntawd rau lawv.