Yauj

Txawm yog phau ntawv hais txog Yauj txoj kev txom nyem, phau no tsis teb tag nrho lo lus nug uas hais tias vim li cas Yauj (los yog lwm tus neeg) yuav raug txom nyem mob thiab poob nws tsev neeg thiab tej khoom. Phau ntawv qhia kom to taub hais tias thaum ib tug neeg muaj kev txom nyem tsis tas txhais hais tias nws tau ua txhaum lawm. Tej thaum tus Tswv muab kev txom nyem kom tau kev kawm, kev cob qhia, thiab kev qhia tsis hais kom tau kev rau txim thiab (Q&K 122).

Phau ntawv twb muab faib tau ua plaub feem. Tshooj 1–2 qhia lub ntsiab lus rau zaj dab neeg. Tshooj 3–31 qhia txog Yauj thiab peb tus phooj ywg ib co lus sib tham. Tshooj 32–37 muaj Elihus, ib tug phooj ywg thib plaub, tej lus uas cem Yauj txog tej yam txawv thawj peb tus phooj ywg tau cem nws txog. Tshooj 38–42 xaus phau ntawv thaum hais txog kev cia siab rau Yauj hais tias txoj kev nws ua nws lub neej yeej zoo txij puag thaum pib los.

Yauj phau ntawv qhia tias yog ib tug neeg paub txog Vajtswv uas yog thiab ua nws lub neej raws li Vajtswv pom zoo, nws yuav muaj peev xwm zoo dua nyiaj tej kev sim siab uas los raug nws. Sob lus uas hais tias “Txawm tias nws tua kuv, los kuv tseem yuav tso siab rau nws” qhia peb txog Yauj txoj kev ntseeg uas khov kho (Yauj 13:15). Exekees 14:14 kuj hais txog Yauj thiab; Yak. 5:11; Lus Qhuab Qhia thiab Kev Khi Lus 121:10.