Nab Tooj

Ib tug nab tooj uas Vajtswv txib kom Mauxes ua los kho cov Neeg Ixayees uas raug cov nab muaj taug tom nyob hauv roob moj sab qhua (Tnp. 21:8–9). Lawv muab tus nab tooj no khuam rau ib tug pas thiab muab “tsa kom txhua tus uas ntsia mus rau nws yuav ciaj” (Amas 33:19–22). Tus Tswv hais tias qhov uas muab tus nab tooj tsa nyob hauv roob moj sab qhua yog ib lub cim ntawm Nws tus kheej txoj kev raug tsa rau saum tus ntoo khaub lig (Yhs. 3:14–15). Kev tshwm sim thaum lub caij nyoog kawg qhia tias zaj uas hais txog cov nab thiab qhov uas kho li cas cov neeg thiaj zoo yeej muaj tseeb (1 Nf. 17:41; 2 Nf. 25:20; Hlm. 8:14–15).