Txi

Thaum ub, kev txi txhais hais tias muab ib yam los sis ib tug neeg hloov ua dawb huv. Niaj hnub no lo lus no txhais hais tias yus cia tej yam ntawm lub ntiaj teb raug ploj mus los yog muab tso tseg rau tus Tswv thiab Nws lub nceeg vaj. Cov mej zeej ntawm tus Tswv lub Koom Txoos yuav tsum kam muab txhua yam txi rau tus Tswv. Joseph Smith qhia hais tias “ib txoj kev teev ntuj uas tsis qhia kom yus muab txhua yam txi tseg ces twb tsis muaj hwj chim txaus ua rau neeg muaj kev ntseeg tsim nyog tau txoj sia thiab kev cawm seej.” Yog xav txog txoj kev nyob mus ib txhis ces, cov koob hmoov uas tau los ntawm kev txi yeej zoo tshaj txhua yam uas tau muab tso tseg.

Tom qab Adas thiab Evas raug ntiab tawm ntawm lub Vaj Edees, tus Tswv muab txoj kev cai txi rau nkawd. Kev cai no qhia kom nkawd muab thawj tug ntawm lawv pab tsiaj fij rau Vajtswv. Kev txi no yog piv txwv txog kev txi uas Vajtswv Tib Leeg Tub mam li ua (Mauxes 5:4–8). Lawv ua qhov no mus txog thaum Yexus Khetos tuag, uas ua rau kev txi tsiaj tiav lawm thiab tsis yog txoj moo zoo ib txoj kab ke lawm ntxiv (Amas 34:13–14). Nyob hauv lub Koom Txoos niaj hnub no cov mej zeej txais lub cim nco txog uas yog mov mog thiab cov dej kom nco txog Yexus Khetos txoj kev txi. Xav kom cov mej zeej ntawm Khetos lub Koom Txoos niaj hnub no muab lub siab mob thiab lub siab xav ua zoo ua kev txi (3 Nf. 9:19–22). Nov txhais hais tias lawv txo hwj chim, hloov siab lees txim, thiab kam ua raws li Vajtswv cov lus txib.