Kalilais

Thaum ub thiab niaj hnub nim no, yog koog chaw nyob sab qaum teb ntawm teb chaws Ixayees thiab sab hnub poob ntawm tus Dej Yauladees thiab tus dej hiav txwv Kalilais. Kalilais ntev kwv yees li rau caum mais (cuaj caum xya kilaumev) thiab dav li peb caug mais (plaub caug yim kilaumev). Yav thaum ub, ces thaj av no muaj tej liaj ia teb chaws zoo tshaj thiab tej lub zos uas ua lag ua luam ntau tshaj plaws hauv Ixayees teb chaws. Tej kev loj tseem ceeb uas mus rau tej teb chaws Damaxes, Iyiv, thiab Ixayees sab hnub tuaj mus dhau lub xeev Kalilais mus. Rau qhov huab cua thiab tej av luaj hauv Kalilais zoo heev, muaj txiv roj, txhuv nplej, pias, thiab tej txiv hmab ntau heev. Tej chaw nuv ntses ze rau ntawm Hiav Txwv Kalilais yog ib txoj kev ua lag ua luam xa ntses tawm mus rau lwm lub teb chaws zoo heev thiab ua rau lub teb chaws no tau nyiaj txiag ntau heev. Tus Cawm Seej siv sij hawm ntau hauv lub xeev Kalilais.