Neeg Lamas

Ib pawg neeg nyob hauv Phau Ntawv Maumoos, feem coob yog Lamas, Lihais tus tub hlob, cov xeeb ntxwv. Lawv xav hais tias Nifais thiab nws cov xeeb leej xeeb ntxwv tau ua txhaum rau lawv (Mxy. 10:11–17). Yog li ntawd, lawv thiaj li ntxeev siab tawm tsam cov Neeg Nifais thiab pheej xyeej tej lus qhia los ntawm txoj moo zoo. Txawm li ntawd los, tsis ntev tom qab Yexus Khetos yug los, cov Neeg Lamas lees txais txoj moo zoo thiab ua ncaj ncees dua li cov Neeg Nifais (Hlm. 6:34–36). Ob puas xyoo tom qab Khetos tuaj xyuas cov teb chaws Amelikas, cov Neeg Lamas thiab cov Neeg Nifais hloov los ua neeg phem thiab pib ua kev tsov rog ib leeg tawm tsam ib leeg. Thaum txog kwv yees xyoo 400 tom qab Yexus yug los, cov Neeg Lamas ua rau cov Neeg Nifais haiv neeg puas tsuaj huv tib si.