Tub Txib txoj Hauj Lwm Kuj saib Tshaj Tawm; Txoj Moo Zoo Qhia Yexus Khetos txoj moo zoo los ntawm kev hais lus thiab kev coj yam ntxwv. Tus uas nws txhais ko taws zoo nkauj kawg nyob rau saum tej roob yog tus uas tshaj tawm kev cawm seej, Yay. 52:7. Kuv yuav saib kuv cov yaj thiab nrhiav tau lawv, Exk. 34:11. Cia li tshaj tawm txoj moo zoo rau txhua tus neeg, Mak. 16:15 (Mm. 9:22). Tej daim teb twb siav dawb vog zoo hlais lawm, Yhs. 4:35. Yog tsis muaj leej twg txib lawv mus, lawv yuav ua li cas mus qhia txoj moo zoo, Loos 10:15. Rau siab ntso qhia Vajtswv txoj lus, Ykh. 1:19. Tus Tswv yeej pub rau txhua haiv neeg mus qhia nws txoj lus, Amas 29:8. Cov neeg qaug zog thiab cov neeg dog dig yuav tshaj tawm kuv txoj moo zoo, Q&K 1:23. Ib txoj hauj lwm zoo kawg nkaus tab tom yuav tawm los, Q&K 4:1. Yog hais tias neb khwv tag nrho neb lub neej es coj tau ib tug neeg los cuag kuv xwb los, neb yuav muaj txoj kev xyiv fab loj, Q&K 18:15. Kuv cov neeg tau xaiv tseg hnov kuv lub suab thiab tsis ua lawv lub siab tawv qhawv, Q&K 29:7. Cia li tawm mus tshaj tawm kuv txoj moo zoo, ob tug ua ib khub, Q&K 42:6. Lub suab yuav tsum mus ntawm qhov chaw no mus, Q&K 58:64. Qhib neb ob lub qhov ncauj mus tshaj tawm kuv txoj moo zoo, Q&K 71:1. Tshaj tawm qhov tseeb raws li tej kev tshwm sim thiab tej lus txib, Q&K 75:4. Txhua tus neeg uas txais kev ceeb toom lawm yuav tsum mus ceeb toom rau nws tus neeg zej zog, Q&K 88:81 (Q&K 38:40–41). Tus Tswv mam nrhiav noj nrhiav haus rau tej tsev neeg ntawm cov uas tshaj tawm txoj moo zoo, Q&K 118:3. Vajtswv cov tub qhe yuav mus, Q&K 133:38. Cov txwj laug uas rau siab ntseeg, thaum lawv ncaim lub neej ntiaj teb no mus, lawv ua lawv tej hauj lwm ntxiv mus, Q&K 138:57.