Rau Tsoom Haiv Neeg Ntseeg hauv Hnub Nyoog Kawg, lub cim nco txog hais txog txoj kab ke noj mov mog thiab haus cov dej kom nco txog Khetos txoj kev txi theej txhoj. Cov mov mog uas tau muab ntais piv txog Nws cov nqaij daim tawv; cov dej piv txog Nws cov ntshav uas nrog theej peb lub txhoj (1 Klt. 11:23–25; Q&K 27:2). Thaum cov mej zeej ntawm lub Koom Txoos tsim nyog txais lub cim nco txog, lawv cog lus tias lawv yuav ris Khetos lub npe, nco ntsoov Nws txhua lub sij hawm, thiab ua raws li Nws cov lus txib. Dhau ntawm txoj kab ke no, cov mej zeej ntawm lub Koom Txoos rov khi lus dua tshiab ib yam li lawv khi lus thaum ua kev cai raus dej.
Thaum noj Rooj Mov Kawg, Yexus piav txog txoj kab ke muab lub cim nco txog thaum Nws noj nrog Kaum Ob tug Thwj Tim (Mat. 26:17–28; Luk. 22:1–20).