Xilethi-aus, Yeeb Koob Kuj saib Theem Yeeb Koob, tej; Tsa Nto; Txoj Sia Nyob Mus Ib Txhis Theem siab tshaj plaws ntawm peb theem yeeb koob uas ib tug neeg muaj peev xwm mus cuag tom qab lub neej no. Nyob ntawm no cov neeg uas ncaj ncees yuav nyob hauv Vajtswv Leej Txiv thiab Nws Leej Tub Yexus Khetos lub xub ntiag. Lub yeeb koob ntawm lub ntuj xilethi-aus nws zoo nws ib yam, 1 Klt. 15:40 (Q&K 76:96). Tau coj Povlauj mus rau lub ntuj ceeb tsheej theem peb, 2 Klt. 12:2. Tau pom yeeb koob xilethi-aus nyob hauv kev ua yog toog, Q&K 76:50–70. Yog Haiv Neeg Ntseeg xav muaj ib qho chaw nyob saum lub ntuj xilethi-aus, lawv yuav tsum npaj, Q&K 78:7. Tus uas tsis muaj peev xwm coj raws li txoj kev cai ntawm lub nceeg vaj xilethi-aus yuav tsis muaj peev xwm thev taus lub yeeb koob xilethi-aus, Q&K 88:15–22. Nyob hauv lub yeeb koob xilethi-aus muaj peb lub ceeb tsheej; hais txog tej yam uas yuav tsum ua kom txais tau lub uas siab tshaj plaws, Q&K 131:1–2. Cov me nyuam uas tuag ua ntej lawv muaj hnub nyoog paub tab txais tau kev cawm dim nyob hauv lub nceeg vaj xilethi-aus, Q&K 137:10.