Mauxes txoj Kev Cai

Vajtswv muab kev cai rau tsev neeg Ixayees los ntawm Mauxes, los hloov txoj kev cai uas siab dua uas lawv tsis muaj peev xwm coj (Khd. 34; JST, Khd. 34:1–2; JST, 2 Kev. 10:2 [Cov Ntawv Ntxiv Tom Kawg]). Mauxes txoj kev cai muaj ntau yam ntsiab cai, kev cai, kab ke, kab lis kev cai, thiab lub cim kom ua rau cov neeg nco ntsoov lawv tej dej num thiab kev lav ris. Mauxes txoj kev cai yog tej lus txib thiab tej kev ua uas hais txog kev coj ncaj, kev coj zoo, thiab kev teev ntuj—nrog rau kev txi (Lek. 1–7)—uas lub hom phiaj yog ua kom lawv nco txog Vajtswv thiab nco txog lawv tej dej num rau Nws (Mxy. 13:30). Kev ntseeg, kev hloov siab lees txim, kev ua kev cai raus dej, kev txais kev zam txim rau tej kev txog txhaum, Kaum Nqe Lus Txib thiab ntau yam lus txib uas muaj nqis ntawm kev coj zoo thiab kev coj ncaj puav leej muaj feem ntawm txoj kev cai no. Yexus Khetos txoj kev tuag thiab Kev Sawv Rov Los tau ua kom muaj raws li ntau yam ntawm tej kab lis kev cai, uas xaus txoj kev txi nqaij ntuag ntshav nrog (Amas 34:13–14). Txoj kev cai no yog lub Pov Thawj Hwj Aloos tswj hwm thiab yog ib txoj moo zoo uas npaj coj cov uas ua raws li txoj kev cai ntawd los cuag Khetos.