Txo Hwj Chim Kuj saib Muab Hlob; Pluag; Qaug Zog; Siab Mob, lub; Siab Mos Siab Muag Ua kom siab mos siab muag thiab qhuab qhia tau, los sis qhov uas yus muaj lub siab mos siab muag thiab qhuab qhia tau yus lawm. Kev txo hwj chim kuj yog qhov uas yus lees hais tias peb vam khom Vajtswv thiab xav ua raws li Nws siab xav. Vajtswv coj nej plaub caug xyoo nyob hauv hav zoov xwv kom txo nej lub hwj chim, 2 Kev. 8:2. Kuv yoo mov ua rau kuv lub siab txo hwj chim, Pnk. 35:13. Ib tug me nyuam uas pluag thiab muaj tswv yim zoo dua ib tug vaj ntxwv uas laus thiab tsis muaj tswv yim, Tlq. 4:13. Tus Tswv nyob nrog nraim tus uas txo hwj chim, Yay. 57:15. Tus uas txo hwj chim li tus me nyuam yaus no, tus ntawd yog tus uas loj dua ntais nyob saum lub nceeg vaj ceeb tsheej, Mat. 18:4. Tus uas txo nws lub hwj chim yuav txais kev tsa nto, Mat. 23:12 (Luk. 14:11; 18:14). Yexus txo nws lub hwj chim thiab mloog Vajtswv lus txog thaum nws tau tas sim neej, Flp. 2:8 (Luk. 22:42; 23:46). Vajtswv tiv cov uas muab hlob, thiab muab kev tshav ntuj rau cov uas txo hwj chim, 1 Pet. 5:5–6 (2 Nf. 9:42). Txo nej lub hwj chim kom kawg siab kawg ntsws, Mxy. 4:11 (2 Nf. 9:42; 3 Nf. 12:2). Nej puas tau txo hwj chim txaus nkaus lawm, Amas 5:27–28. Cov neeg txoj kev txo hwj chim loj hlob muaj zog zuj zus tuaj, Hlm. 3:33–35. Kuv muab txoj kev qaug zog rau tib neeg kom lawv yuav txo hwj chim, Ethaws 12:27. Yuav tsum txo hwj chim yog xav ua rau kev cai raus dej, Q&K 20:37. Txo nej lub hwj chim rau kuv thiab nej yuav pom kuv thiab paub hais tias muaj kuv tiag, Q&K 67:10. Koj cia li txo hwj chim; thiab tus Tswv yuav tuav tes coj koj, thiab hais lus teb koj tej lus thov, Q&K 112:10. Cia tus uas tsis paub kawm kev txawj ntse los ntawm kev txo nws lub hwj chim, Q&K 136:32. Tau xa kuv tus Ntsuj Plig ua rau cov neeg txo hwj chim thiaj to taub, Q&K 136:33.