Cov Thawj Tswj, Phau Ntawv

Ib phau nyob hauv Phau Qub. Phau ntawv Cov Thawj Tswj hais txog cov Neeg Ixayees txij thaum Yausuas tas sim neej mus txog thaum Xamuyees yug los.

Tshooj 1–3 yog cov lus qhia piav txog tag nrho phau ntawv Cov Thawj Tswj. Peb tshooj no piav hais tias vim cov Neeg Ixayees tsis tau ntiab lawv cov yeeb ncuab tawm (Ctt. 1:16–35), cov Neeg Ixayees yuav tsum raug tej xwm txheej: poob kev ntseeg, sib yuav nrog cov uas tsis ntseeg, thiab pe mlom. Tshooj 4–5 hais txog tej uas muaj los rau Denpaulas thiab Npalaj, uas cawm Ixayees dim ntawm cov Neeg Kana-as. Tshooj 6–8 hais txog tej uas tshwm sim rau Nkide-oos uas txhawb kev ntseeg, nws yog tus uas tus Tswv foom koob hmoov rau kom cawm Ixayees dim ntawm cov Neeg Midias. Nyob hauv tshooj 9–12, ob peb tug txiv neej uas yog cov thawj txiav txim thaum lub sij hawm uas cov neeg Ixayees feem ntau tso qhov tseeb tseg thiab cov nom ntawm pej kum teb chaws kav lawv. Tshooj 13–16 qhia txog kev ua zoo thiab kev poob ntawm tus txiav txim kawg, Xaxoos. Tej tshooj kawg, 17–21, zoo li yog cov ntaub ntawv ntxiv rau tom qab uas qhia tias Ixayees tej kev txhaum phem npaum li cas.