Coj Li Txiv Neej Nyiam Txiv Neej los sis Poj Niam Nyiam Poj Niam Kuj saib Cev Nqaij Daim Tawv Nyiam; Deev Luag Poj Luag Txiv Thaum txiv neej sib deev nrog txiv neej los sis poj niam sib deev nrog poj niam. Vajtswv txwv txoj kev sib deev li no. Cia li coj nkawd tawm tuaj rau peb, xwv kom peb thiaj yuav deev tau nkawd, Chk. 19:1–11 (Mauxes 5:51–53). Nej yuav tsum tsis txhob pw nrog txiv neej; vim yog ib yam uas qias, Lek. 18:22 (Lek. 20:13). Yuav tsum tsis txhob muaj ib tug txiv neej uas deev txiv neej ntawm Ixayees cov tub, 2 Kev. 23:17. Lawv tshaj tawm lawv tej kev txhaum ib yam li cov neeg Xaudoos, lawv tsis muab zais li, Yay. 3:9 (2 Nf. 13:9). Txiv neej tej siab kub lug ntshaw ib leeg rau ib leeg, Loos 1:27. Cov uas txhaum lawv tus kheej vim lawv deev txiv neej yuav tsis txais Vajtswv lub nceeg vaj ua lawv tug, 1 Klt. 6:9–10. Txoj kev cai tsis yog tsim rau cov txiv neej ncaj ncees, tiam sis rau cov uas ua lawv tus kheej qias vim lawv deev txiv neej, 1 Tim. 1:9–10. Cov txiv neej uas mus nrhiav deev txiv neej yuav raug qhov cub uas cig ntev mus ib txhis tsim txom pauj lawv kev txhaum xwv kom ua tau yam ntxwv, Yudas 1:7.